Warsidaha puntland Tirsi 38 Axad 4 june 2000 bogga 2

Gobolada Bay iyo Bakool ee uu ka taliyo ururka RRA ayaa hada waxay ka soo kabanayaan dhibaatooyinkii faraha badnaa ee ay u geysteen ciidamadii sal balaar xoolaleydii , beera leydii, ganacsatadii iyo shacabka guud ahaanba.

• Dadka shacabka ahaa ee u kala qaxay dibada iyo gudaha soomaaliya ayaa ku soo laabtey badankoodii goboladaas kadib markii halgan dheer ay ugu suurto gashay RRAduna inay gacanta ku dhigto 29/10/1998 xudur, 6/6/99kiina waxay ciidamada RRA oo saldhigyo ku lahaa Qurunjiis oo xaga Koonfureed ka jirta baydhaba iyo Ceelhuur oo xaga waqooyi ka xigta baydhaba, waxay ku guulaysteen inay gacanta ku dhigaan magaalada baydhabo iyo Gobolka guud ahaanba.

• Nolosha dadka Goboladaas marba marka ka danbeysa wax weyn ayaa iska badalayey, magaalooyinka ayaana soo camirmaayey, adeegyadii bulshada sida caafimaadka iyo waxbarashada ayaa gobolka ka bilowday in kastoo gobolku soo maray abaar kulul, hadana waxaa hada loo diyaar garoobayaa xaga beerida dalagyada kala.

• Baydhabo waxay leedahay laba shirkadood oo taleefan oo 24saac shaqeeya, Bangi Ganacsi oo la yiraahdo Jubba , waxaa kaloo dagan laba Shirkdood oo kuwa Diyaaradaha ah ( Daalo Iyo Wabiyow) oo isaga goosha Xamar iyo Baydhabo, maadaama jidka labada Magaalo isku xira uu xiranyahay oo yahay goob dagaal.

• Baabuurtana baydhabo wareeg ayay ku yimaadaan oo waxay kasoo galaan dhanka Diinsoor ama dhinaca Xudur, isbitaalada iyo iskuulada qaarkood waxaa dayactiray hay'ado caalami ah waanna shaqeeyaan, in kastoo ciidamadii sal balaar xiligay haysteen baydhabo aad loo bililiqaystay dhismayaashii goobihii caanka ahaa.

• Isbitaalka weyn ee baydhabo waxaa jiifa bukaan fara badan, iskuuladuna waa furan yihiin oo waa la dhigtaa , waxaa kaloo jira dugsiyo gaar ah sida kuwo lagu barto kombuuyutarka sida Qamar institute iyo kuwa luuqadaha caalamiga ah Gobolka waxaa degan hey'ado caalami ah oo ay ka mid yihiin UNDP, Unicef Care, ICRC wax weyna ilaa hada gobolka kama qaban in kastoo ay xiligii jiilaalka ay gacan ka geysteen xaga biyaha oo ay matooro geeyeen ceelasha miyiga oo horey kuwoodii looga bililiqeystay, waxay kaloo hada wadaan qeybinta abuurka beeraha, waxaana lagu rajo weyn yahay mustaqbalka dhow inay u gudbaan hirgalinta mashaariis waaweyn, Lataliyaha Gudoomiyaha RRA dhinacyada warfaafinta iyo dhaqaalaha ahna gudoomiyaha Bangiga Ganacsiga Juba ee baydhabo Mr shariif Xuseen oo warbixintaan wargeyska siiyay ayaa isagoo ka jawaabaya su'aal ahayd dadka gobolada Bay iyo Bakool sidee u arkaan shirka jabuuti wuxuu yiri shacabka reer bay iyo bakool shaki weyn ayay ka qabaan shirka jabuuti in wax fiican ay ka imaanayaan, mana u malaynayaan, waayo shirka ujeedooyinkiisa si fiican looma sheegin marba waxbay jabuuti ku dhawaaqeysay mar dowlad ayey tiri, Raysulwasaare iyo Madaxweyne ayaa la sameynayaa Xamar ayaa la tagayaa, Baarlamaanka ayaa lagu Dhisayaa, cidii diidana loo joogsanmaayo khasab ayey ku noqonaysaa iney dowlada soo raacdo, mar kale gogol ayaan fidinay ayey tiri, marka waxaa halkaa ka muuqatey jabuuti ineysan haysan barnaamij toosan.

• Mar uu ka hadlaayey shariif gobolada la dariska ah wuxuu sheegay RRA inay kula dagaalamayaan sal balaar iyo Maxkamada ku sheegyada Gobolka Shabeelaha hoose dhowaanna filayaan inay ka gaaraan guullo.
• Mr shariif oo mar kale ka jawaabaya is bahaysiga nabadeynta soomaaliyeed ( SPA) sida looga arko Gobolada ay ka taliso RRA wuxuu yiri:- waxaa loo arkaa inuu yahay mid xaq ah oo dadka xaq u dirirka ah oo aan dhibaatada wadin isku bahaysteen, waxayna ka soo horjeedaan kuwa damaca waalan ee ka soo horjeeda in nidaam la sameeyo.

• Wuxuuna aaminsan yahay qeyb waliba meesheeda inay dowlad Goboleed ka sameyso, kadibna la isugu yimaado Dowlad dhexe oo faderaal ah.

Warsidaha puntland Tirsi 38 Axad 4 june 2000 bogga 3

• Dr, yaasiin faarax cartan wasiirkii xanaanada xoolaha,beeraha iyo Deegaanka oo dhowaan dalka kusoo noqday ka dib markuu booqasho ku tegay kanada iyo America, ayaan la yeelanay waraysiga soo socda oo ku saabsan xaalada jaaliyada puntland ee jaaliyada Manasota ee America ku nool tiradooduna gaarayso 40.000 oo qof oo isugu jira xoogsato,arday,iyo qaxooti.

• W.PL mudane. Wasiir nooga waran xaalada jaaliyada reer puntland ee ku nool magaalada minneifolis ee Gobolka Minnesota?

• DR,YAASIIN, jaaliyadu waxay igu casuntay in aan booqasho ugu tago,dalkana uga waramo,waxaana la igu soo dhoweeyay magaca puntland si diiran oo xushmad leh,jaaliyada minnesota waxaa ku nool 40.000 oo qof oo soomaali ah oo reer puntland u badan intooda badana waa shaqaystaan.
• Waxaa shir lagu qabtay 6-4-2000 naadiga jaaliyada waxaana kasoo qaybgalay dad fara badan oo rag iyo dumar leh,ka qaybgalayaasha waxaan uga waramay xaalada dhabta ah ee ka jirta puntland xaga amniga,siyaasada,maamulka iyo dhaqaalah.
• W.PL, dadka reer puntlaand ee ku nool meeshaas sidee sumcadoodu tahay? DR. YAASIIN sumcad fiican

• ayey Soomaalidu ku leedahay firfircoon yihiin,waxay leeyihiin wargeysyo,tv,makhaayado,dukaano,xafiisyo adeeg IWM.
• W.PL. sidee jaaliyada puntland u arkaan dawlad goboledka puntland iyo maamulkeeda?wilaayadaas xaga shaqada,dhaqan wanaaga,dad la socodka,ganacsigana aad bay ugu

• DR,YAASIIN waxay qabaan inay puntlanad thay dawlad goboleed loo baahnaa dhismaheeda,qaabka maamulkeeda loo doortayna sax yahay,soomaalida kalena ku dayasho u noqon karayso soona dhoweynayso xal u helida mushkiladda soomaaliyeed .
• W.PL:- ra'yul caamka soomaalida ku nool USA gaar ahaana jaaliyada puntland ee ku nool minnesota maxay ka qabaan dhibaatada gobolka jubada hoose?
• DR,YAASIIN:- waxay qabaan inay tahay dhibaato ku habsatay jubada hoose oo la rabo in la dhaxal wareejiyo deegaan reer puntland isir wadaagoodu leeyihiin,waxayna diyaar u yihiin inay ka qaybqaataan xal u helida dhibaatadaas iyada oo dad badan oo ehelkood ah la haystayaal ku yihiin gobolka jubada hoose,

• Lasoco waraysiga qaybta ka hartay

• DAGAALKA EITHOPIA IYO ERETERIE WUXUU HORSEEDAYAA BUR BUR IYO DIB U DHAC .

• Dagaalka ka dhex socda labada

• Md Shaaciye waxa uu ka cududaartay in roobabkii badnaa ee gaalkacayo ka da'ay ay biyihii fariisteen taasna maamulku wax ka qaban waayay, awoodna uusan u helin sidii wax looga qaban lahaa, waayo buu yiri gaalkacayo waxay lahaan jirtay biyo booliyo wayna aasmeen, kuwo kale oo loo sameeyana waxay u baahan tahay dhaqaale xoog leh iyo in lala kaashado dawlada iyo hay'adaha caalamiga ah.

• Dhinaca caafimaadka Md, Shaaciye waxa uu tibaaxay in ay jiraan cuduro sida jadeecada iyo malaariyadaI.W.M.
• Hay'ada MSF-na ayaana dhinaca daawooyinka gacan ka geysata oo iyaduna gaalkacyo kaliya ku hawlan balse degmooyinka kale ee gobolka in dadka jiran lasoo qaado oo inta Isbitaalka Gaalka-cayo lagu daweeyo maahee aan dawooyin badan oo kaafiye loo helin, hasayeeshee dhakhaatiirtu ay aad u dadaalaan, bisha casna ay gacan ka geysato awood ballaaran oo dawooyin lagu gaarsiiyo Gobolka degmooyink-iisa oo idil, waxaase jirta dhowr meelood oo laga dhisay rugo caafimaad sida Garacad, Bursaa-lax iyo Ballibusle.

• Dhanka waxbarashada waxa uu ka sheegay in ay jiraan dugsiyadii hore u jirijirey Dugsi H/Dhexe ilaa mid sareba. Mushaarka Macalimiinta iyo qalabeynta dugsiyada iyo waliba dayactirk-odana wax dhaqaala ah oo lagu bixiyana ma jiraan.
• Ugu dambayntii Guddoomiye Shaaciye waxa uu Masuuliyiinta G/Mudug iyo Maamulka Degmooyinka kula dardaarmay in hawlaha adeega bulshada la kordhiyo, shacabka iyo wax garadkana lala kaashado sida hawluhu u soconlahaayeen, degmo kastana ay iyadu wax la soobaxdo aysan isku halayn cid kale. Md Shaaciye wuxuu intaa ku daray dawladdu in aysan maanta hayn dhaqaale ay hawlahaas oo dhan ku fuliso balse degmadii wax la timaada la caawimidoono.
• Diyaariye Faarax KKKGaalkacayo.

• Agaasimaha Waaxda mashaari-icda ee Qorshaynta Warsame Maxamed Cali (Xidig) ayaa wargeyska u sheegay in agaas-imku ka sameeyey Hay'adaha kala duwan ee Dawlada Xog uruurin mashaariiceed taasoo ay gacan ka geysteen Guddi ka socda wasaaradaha iyo hay'ad-aha Dawlada. Agaasimu wuxuu sheegay in ay diyaariyeen wajigii koowaad in ku dhaw 80 mashruuc, hadana ay hay'ada UNDOS ku soo xoojisay sadex qabiir oo ka tala bixiya qaabka diyaarinta mashaariicda.
• Mudane Xidig wuxuu wargeyska u sheegay in mashaariicdaas dhaqso loogu soo bandhigi doono hay'adaha deeqda bixiya ee dalka gudihiisa iyo dibediisa, wuxuuse ka cawday in uu san Agaasimka Waaxda Mashaariicdu ka helin hay'adaha dawlada iyo kuwa ajnabiga ahba gacantii looga baahnaa, wuxuu kaloo intaa ku daray inaan cidna kaligeed wax qaban karin hadii aan la helin wada shaqayn wuxuuna sheegay in mashaariicdaan loo soo kala hormarinayo sida loogu kala baahi weyn yahay lagana faa'iidaysan doono sadexda qabiir ee UNDOS.

• DEGMADII EYL OO LAGA QAADAY BANDOOH SAARNAA LABO SANNO.

• Guddooyiha degmada Eyl Shiikh C/risaaq X. Aadan oo wargeyska la soo xiriiray 31/05/00 ayaa sheegay in degmada Eyl Hay'ad-aha Caalafimiga ka qaadeen Bandooh saarnaa

• muddo labo sanno ah ka dib markii maamulka degmada, Odoyaasha iyo waxgaradka xaqiijiyeen sugida Amniga deegaanada degmada.

• UNESCO ayaa noqotay Hay'adii ugu horeysay oo degmada ka bilowday Mashaariic, Hay'ado kalena waxay go'aansadeen inay deg-deg uga fuliyaan sida uu sheegay Shiikh C/risaaq. Waxaa kale oo degmada laga furay dhawaan Isbitaalkii Magaalada Eyl oo aan shaqaynayn 10kii sanno ee la soo dhaafay ka dib markii uu halkaas tagay Dr. Maxamuud Macalin Xassan (Dacar) oo dhawaan ka soo qalin jibiyey Jaamacad Caafimaad oo ku taala Dalka Ruushka, kana mid ahaa Ardeydii Eyl horey uga dhamaystay Dugsiga Sare halkaa tagey.

• Furitaanka Isbitaalka waxaa gacan ka geystay Shacabka iyo Maamulka Eyl, dhanka kalena Roobabkii Guga ayaa aad wax yeelo ugu geystay wadooyinka degmada oo awalba laga fiicnaa.

• 25/05/00 Waxaa yimid Magaalada Garoowe wafti ka socda safaarada Sweden iyo qaybta socdaalka ee Police-ka ee Sweden kuwaas oo ka soodegay Bosaaso, Garoowna kula kulmay Maamulaha Xafiiska Madaxtoo-yada Ismaaciil X. Warsame iyo sarkaal ka tirsan Isgaashiga Caalamiga ah.
• Wafdiga reer Sweden waxay sheegeen sababtay u yimaadeen inay ahayd iyagoo doonayey inay sooceliyaan dad u dhashay Gobolada Puntland oo aan dawlada Sweden qaabilin, Puntla-ndna waxay diiday in cid khasab looga soo celiyo dalka Sweden. Wadahadalo ka dib labada dhinac waxay isku afgarteen.
• Inay soo noqon karto Soomaalida doonaya in ay iskood u soo laabtaan iyagoo aan cidana ku khasbin iyo in la sameeyo arimahaan.

• Dawlada Sweden inay ku tala gasho Mashruuc dib u dejintooda ah.
• in la sameeyo xaqiijin dadka soo laabanaya inay yihiin kuwo u dhashay G/Puntland.
• in la sameeyo Guddi isku dhaf ah (Sweden iyo Puntland) oo xaqiiyinta ka wada shaqeeyo

• Dawlada Masar iyo Maamulka Cigaal sanadkaan labada kun wafuud ayaa u kala gooshay sida war murtiyeedku sheegay, wuxuuna caado ka dhigtay argayga gaarka ah ee Masar u soo dirtay Soomaaliya Xaliima Saalax inuu si joogta ah u booqdo Cigaal, war murtiyaadka wuxuu intaa ku daray inay dawladaMasaaridu ka wado waqooyi galbeed Mashaariic u jeedada ka dambaysa ay tahay in Hargeysa lagu geesinimo geliyo inay ka xorowdo kana godo Soomaaliya.

• Siyaasada Masaaridu ka wado Hargeysa war muriyeedku wuxuu ku tilmaay mid ka soo horjeeda mowqifkeeda ay ka sheegto shirarka caalamka ee ah inay xoojinayso midnimada Soomaa-liya, Dawlada Puntland waxay u aragtaa siyaasada Masar ee ku wajahan Soomaaliya mid khatar ku ah midnimada iyo qaranimada Soomaaliya.

• WASAARADDA KALUUMAYSIGA PUNTLAND OO LOO XILSAARAY BIXINTA RUQSADAHA KALUUMAYSIGA.
• .
• Shiray dhawaan ku yeesheen Garoowe Dawlada Puntland, hay'ada PIDC, Hart Group, wasaaradda kaluumaysiga iyo ciidanka bada Puntland ayaa waxaa lagu gaaray is afrad buuxa. shirkaan oo lagu gorfeeyey arrimaha ay ka midka yihiin sidii looga ilaalin lahaa xeebaha Puntland Maraakiibta kaluumaysiga sharcidarada ah iyo habka wadashaqaynta hay'a-dahaas kala duwan, toosinta Maamulka la xiriira wax soo saarka iyo wada xiriirka guud waxaa lasku afgartay in si buuxda wasaarada kaluumaysiga ay masuul uga noqon doonto bixinta ruqsadaha kaluumaysiga iyadoo PIDC-dana loo xilsaaray arimo ay ka mid yihiin wada hadalada shirkadaha doonaaya inay qaab sharciya kaga kaluumaystaan xeebaha Puntland.
• Sida la ogsoon yahay Ciidanka ilaalada Bada ee Puntland waxay ku guulaysteen inay ka sifeeyeen xeebaha Puntland Maraakiibtii sharcidarada ku jiriifijiray ilaa 200 oo mayl oo bada ah waxayna gacanta ku soo dhigeen kuwo sharci daro ku kaluumaysanaya.

• RAASHIN SOOMAALI-LAND KEENTAY TUULADA CAROOLAY OO LA GUBAY.

Warsidaha puntland Tirsi 38 Axad 4 june 2000 bogga 12

Amar uu soo saaray Madaxweynaha Dawlada Puntland Mudane C/laahi Yuusuf Axmed 31/05/2000 oo ku saabsan xoojinta xiriirka Puntland iyo Mushtamaca caalamiga ah, wuxuu leeyahay amarkaas.

1. Waxaa la joojiyey 100 US$ 00 laga qaadijirey gegada duyuuradaha qof kasta oo ka soo dega, kana mid ah hawl wadeenka Maamulka iyo shaqaalaha ururka ummadaha midoobay. Haatan kadib ma dhacayso in 100 USD laga qaado urarada UN, EU, Jaamacada Arabta, Ururka midowga Africa, Egad iyo Ururka Islaamka ama urur hoosaadkasta oo mushtamaca caalamiga ah.
2. Iyo canshuur dakhli oo shaqaalaha Soomaalida ah ee gudaha dawlad goboleedka ka shaqeeya, ilaa arintaasi si buuxda looga baaraandago, ayna dhamaan dhinacyada ay qusaysaa xalwada raaligeliya ka helaan.

Madaxweynaha Dawlad Goboleedka Puntland Mudane C/laahi Yuusuf Axmed ayaa 31/05/2000 soo saaray qoraal ku socday Wasiirka kaluumaysiga, dekadaha iyo Gaadiidka bada, Guddoomiyaha Gobolka Bari, Taliyaha Ciidanka Daraawiishta, Taliyaha Ciidanka Booliska iyo Taliyaha Ciidanka Bada.

Qoraalka wuxuu madaxdaas kor ku xusan faray inay u hawl galaan sidii dalka looga saari lahaa kaluumaysatada Pakistaaniga ah oo dhawaan ciidamada bada ku soo qabteen sadex oo sharcidaro ku kaluumaysanayey.

Musuuliyiintaan wuxuu ku amray Madaxweynuhu inay marka hore Bosaaso isugu keenaan kaluumaysatada iyo in dhammaan kalluumaysatada sadexda doonyood lagu dhoofiyo Doonta Al-Qayanat ka dib marka lala wareego qayraadka bada Puntland ee ay siday iyo qalabka kalluumaysiga ee ay Doontu ku adeeganaysay.

Wuxuu cadeeyey in qodobadaas qaar ka mid ah dagaalada sokeeye dhibaato u gaysteen ayna ku ogaadeen daraasad ay sameeyeen Bisha Cas ee Soomaaliyeed iyo Laanqayrta Cas ee Soomaaliyeed, Xafladaas oo lagu dhigay Riwaayad ka turjumaysay dhibaatadaas waxaa ka qaybgalay in ka badan 100 qof.